म रोमान्टिक भइन अरे !

उनले भनेको
म रोमान्टिक भइन अरे ।

उनले अनायासै सोधिन
हजुरलाइ म किन मन परो?
मैले तिम्रो ब्याक्तित्व मन परो भने
म रोमान्टिक भइन अरे ।
मैले भन्न पर्थ्यो
तिम्रा आँखा मन परे
तिम्रो परेली मन परो
तिम्रा परेली खोली अँखाहरुले
मेरा आँखासंग गरेका कुराकानी मन परे ।
मैले भन्न पर्थ्यो
बाध्दा पनि नमिलेर
अगाडि नाकै सम्म आएको

तिम्रो कालो कपाल मन परो ।
हो यसो भन्न पर्थ्यो
मैले भन्न जानिन
र पो म रोमान्टिक बन्न जानिन ।

उनले, मेरा लागि के गर्नुहुन्छ ? सोधिन्
मैले मेरा खुसी सबै तिमीलाई दिन्छु भने ।
आबुइ ! कस्तो जवाफ हो यो ?
अलि रोमान्टिक हुन आउदैन?
म रोमान्टिक भइन अरे ।
मैले भन्न पर्थ्यो
यो आकास तिम्रा लागि किनिदिनसक्छु

यो धर्ती तिम्रा लागि बेचिदिनसक्छु

समय जहाँको त्यहीँ रोकिदिनसक्छु
तिमी भन्छ्यौ भने
म उ त्यो तारा टपक्कै टिपेर
हाम्रो खुर्सानीको बोटै छेउ राखिदिन सक्छु ।
तर त्यस्तो भनिन  ।
मैले भन्न पर्थ्यो
तिमी भन्छ्यौ भने
म हावाको दिसा बदलिदिनसक्छु
फूलको सुवास चोरिदिनसक्छु
हिमालको सुन्दरता तिमीमा छरिदिनसक्छु
अरु तिमी कल्पना मात्र गर न
म त्यहि त्यही गरिदिन सक्छु ।
हो यसो भन्न पर्थ्यो
मैले भन्न जानिन
र पो म रोमान्टिक बन्न जानिन ।

म उनलाइ कति प्रेम गर्छु?
यसको रोमान्टिक जवाफ मलाइ आउँछ।
म उनको प्रेममा
प्रेमको परिभाषा पुनर्लेखन गर्न चाहान्छु
म यसरी हराउन चाहान्छु कि
मैले फेर्ने हरेक श्वास उनको नामको होस
यो धर्ती यो आकास उनको नामको होस
खोला नाला बतास उनको नामको होस
अझै भनौ,

 म उनलाइ कति प्रेम गर्छु?
मैले सुर्य भन्दा पहिले उनको मुहार हेर्न पाउ
अरुको भन्दा अगाडि उनको आवाज सुन्न पाउ
म जान्न पाउ
उनको मीठो मुस्कानको रहस्य
उनको सुमधुर स्वरको कहानी
त्यो कालो गाजलको गित
ति चञ्चल ओठका भाव
कति भनौ मेरो प्रेम बारे?
यो जुनिभर भन्न मन छ ।
मलाई आउथ्यो यो प्रश्नको रोमान्टिक जवाफ
कि म उनलाइ कति प्रेम गर्छु ।
तर
म उनको नजरमा रोमान्टिक बन्न जानिन
उनले दोस्रो प्रश्नमै हाम्रो कुराकानी सकिन्
मलाई तेस्रो प्रश्नको रोमान्टिक  जवाफ आउथ्यो
ला !
उनको पहिलो या दोस्रो प्रश्नमै मैले भन्न पर्थ्यो
 आउदा आउदै पनि मैले भन्न जानिन
र पो म उनको नजरमा रोमान्टिक बन्न जानिन ।।

२०७७/०१/०१